Կալիֆոռնիայի նահանգային դատարանը սկսել է քննել մի խումբ օգտատերերի հայցը, ովքեր Google-ին մեղադրում են նամակների բովանդակությունը գովազդային նպատակներով օգտագործելու համար: Այս մասին ասվում է CNet-ում:
Բանն այն է, որ այս օգտատերերը Gmail փոստային ծառայության բաժանորդներ չեն, սակայն Google-ն օգտագործում է նրանց Gmail-ի օգտատերերին ուղարկված նամակների բովանդակությունը՝ գովազդային ալգորիթմեր մշակելու համար:
Օգտատերերը ցանկանում են անօրինական համարել Google-ի գործունեությունը: Աշխարհի ամենահզոր որոնողական համակարգն, իր հերթին, դիմել էր դատարան, որպեսզի դատարանը հայցն անհիմն համարի, սակայն դատարնը մերժել է նրան:
