Google ընկերությունը հայտարարել է, որ պատրաստ է 17 մլն դոլար տուգանք մուծել օգտատերերի տվյալների գաղտնիությունը չապահովելու և, առանց նրանց համաձայնության, անձնական տվյալներն օգտագործելու համար։ Այս մասին հաղորդում է The New York Times-ը։
2011 և 2012 թվականներին Google-ը Safari բրաուզերում փոխելով որոշ կարգավորումներ հնարավորություն է ստացել տեղեկութոյւններ ստանալ օգտատերերի նախապատվությունների մասին հետևելով, թե ինչ կայքեր են նրանք այցելում։ Այնուհետև գովազդային նպատակներով այդ տեղեկությունները մշակվել են և օգտագործվել ընկերության կողմից։ Google-ում հայտարարել են, որ այս տարվա սկզբից դադարեցրել են հետևել օգտատերերին։
