Հեռախոսներ արտադրող աշխարհի խոշորագույն ընկերություններից BlackBerry-ն հայտարարել է, որ բանակցություններ է վարում Cisco Systems և Google ընկերությունների հետ` իր ակտիվների մասնակի կամ ամբողջական վաճառքի մասին։ Այս մասին հաղորդում է Reuters գործակալությունը՝ հղում կատարելով անանուն աղբյուրներին։
Վերջին շրջանում ամերիկյան շուկայում լուրջ ազդեցություն ունեցող BlackBerry-ն մեծ քայլերով կորցնում է իր դիրքերը, և ընկերության ղեկավարությունն առողջացման ծրագրի շրջանակներում բանակցություններ է վարում խոշոր ընկերությունների հետ մասնակի կամ ամբողջական վաճառքի մասին։
