Աշխարհահռչակ շանսոնիե, Շվեյցարիայում 2011 թվականին հարցազրույց էր տվել, որի ժամանակ խոսել էր Հայոց Ցեղասպանության, ղարաբաղյան հիմնախնդրի և Հայաստանի առջև ծառացած լուրջ խնդիրների մասին:
Nouvelles d’Arménie ամսագրի հարցին՝ «Ո՞րն է Հայաստանից արտագաղթի գլխավոր պատճառը» Շառլը պատախանել էր
«Այնտեղ մարդկանց օգնելու համար ոչինչ չի արվում։ Ընդհակառակը, մաֆիայի անդամների մասին սարսափելի պատմություններ գիտեմ։ Կարողանում են այնպես անել, որ գյուղացին սոված մնա իր իսկ հողի վրա։ Մաֆիայի այդ անդամներին պետք է գնդակահարել։ Այդպես այլևս չի կարող շարունակվել։ Ցանկանում եք անդամակցել մաֆիայի՞ն։ Գնացեք ձեր մաֆիան ուրիշ երկրներում հիմնեք։ Սակայն դա ձեր երկրում մի արեք, ձեր ժողովրդի դեմ մի արեք»։
Անդրադառնալով հայ–թուրքական հարաբերությունների մասին՝ Ազնավուրն ասել էր,- «Ես հաշտեցում եմ ցանկանում։ Թուրքերը պետք է ընդունեն այն, ինչ տեղի է ունեցել։ Սակայն չեմ կարևորում Ցեղասպանություն եզրույթը։ Ի՞նչ է ինձ համար փոխելու այդ բառի գործածումը: Թուրքերին սխալ և սուտ բաներ են սովորեցրել։ Մենք էլ պետք է նրանց ճշմարտությունը մատուցենք… Թուրքիայի սահմանամերձ շրջանների բնակչությունն ամենևին էլ դեմ չէ հայերին։ Անգամ Դիարբեքիրի քաղաքապետը հրապարակավ խոսում է ճանաչման անհրաժեշտության մասին»,– նշել էր շանսոնիեն։
