Ղազախստանի ներքին գործերի նախարարը հայտարարել է, որ առաջիկայում մտադիր են սահմանափակումներ մտցնել Հայաստանի, Ռուսաստանի, Ղրղըզստանի ավտոհամարանիշներով մեքենաների շահագործման ոլորտում։
Նախարար Եռլան Տուրգումբաևն այս որոշումը պայմանավորել է նրանով, որ հատկապես ԵԱՏՄ անդամ պետությունների պետհամարանիշներով մեքենաները սկսել են առևտրային ու ուղևորափոխադրման գործառույթներ իրականացնել, բայց չեն գործում հարկային դաշտում, քանի որ չունեն Ղազախստանի գրանցում։ Ավելին, ըստ նախարարի, այդ մեքենաների սեփականատերերին հնարավոր չէ նաև տուգանել նույն պատճառով։
Ըստ այդմ` նախարարը ներքին քննարկումներ է սկսել վերը նշված փոփոխությունները կատարելու և սահմանափակումները մտցնելու համար։ Այս փոփոխությունների իրական պատճառները, սակայն, այլ տեղ կարող են լինել։
