Արդեն տեղեկացրել ենք, որ երեկ Ղազախստանի խորհրդարանի ստորին պալատը վավերացրել է Եվրասիական տնտեսական միությանը Հայաստանի անդամակցության պայմանագիրը, որը ստորագրվել էր այս տարվա հոկտեմբերի 10-ին։
Քիչ առաջ փաստաթուղթը վավերացրել է նաև Ղազախստանի խորհրդարանի վերին պալատը՝ Սենատը, ինչի արդյունքում Ղազախստանում փաստաթղթի վավերացումն ավարտվել է և ստացել է օրինական ուժ։
«Եվրասիական տնտեսական միության ուժի մեջ մտնելու օրվանից Հայաստանը դառնում է դրա անդամ և ստանձնում է բոլոր պարտավորությունները, որոնք նշված են պայմանագրում։ Օրինագծի ընդունումը թույլ կտա Եվրասիական միության անդամներին նպաստավոր պայմաններ ստեղծել տնտեսական ինտեգրման հետգա զարգացման համար, որը կարվի ի նպաստ բնակչության կենսամակարդակի», — ասվում է Ղազախստանի Սենատի պրոֆիլային հանձնաժողովի եզրակացության մեջ։
Ըստ Ղազախստանի էկոնոմիկայի նախարարության՝ Ղազախստանի համար հնարավորություններ են բացվում համագործակցելու Հայաստանի հետ գյուղատնտեսության, հանքարդյունաբերության, շինարարության ոլորտներում։
