Գերմանիայի ֆինանսների նախարար Վոլֆգանգ Շոյբլեն խոսել է Մերձավոր Արևելքից և Հյուսիսային Աֆրիկայից ռազմական բախումների և աղքատության պատճառով Եվրոպա արտագաղթող փախստականների հոսքի կրճատման անհրաժեշտության մասին, հաղորդում է Reuters-ը:
«Եվրոպան պետք է պատրաստ լինի ընդունելու մարդկանց, սակայն մենք չենք կարող անել անհնարինը»,- ասել է Շոյբլեն
Ավելի վաղ տեղեկություններ էին հայտնվել գերմանական Ֆրիման քաղաքում փախստականների համար նախատեսված կացարանային համալիրի հրդեհման մասին:
Գերմանիայի կանցլեր Անգելա Մերկելը հայտարարել է, որ Գերմանիան չի կարող ընդունել բոլոր ներգաղթյալներին, ընդգծելով, որ Եվրոպան պետք է պաշտպանի իր արտաքին սահմանները փախստականների ահռելի հոսքի պատճառով:
