Գերմանիայի կառավարությունը մտադիր Է ՄԱԿ-ի փախստականների գործերի գործակալությանը մուծումներն ավելացնել 500 մլն եվրոյով: Այդ մասին փետրվարի 3-ին հաղորդել Է Rheinische Post թերթը՝ վկայակոչելով կառավարական շրջանների մի աղբյուրի:
Այսպիսով՝ 2016 թվականին Գերմանիայի անդամավճարը կկազմի 1,5 մլրդ եվրո:
Կանցլեր Անգելա Մերկելը պատրաստվում Է հավելյալ ներդրման մասին հայտարարել Supporting Syria and the Region դոնորական խորհրդաժողովի ընթացքում, որը փետրվարի 4-ին կայանալու Է Լոնդոնում:
Ավելի վաղ Գերմանիայի ներքին գործերի նախարարությունը հայտնել Է, որ 2015 թվականին երկիրն ընդունել Է շուրջ 1,1 մլն փախստականների, հաղորդել Է ՌԻԱ Նովոստին:
