Քիչ առաջ ՀՀ վերաքննիչ քրեական դատարանը շուրջ երկուսուկես ժամ տևած դռնփակ դատական նիստում՝ որոշում կայացրեց բավարարել պաշպանական կողմի բողոքը և բեկանել Վարդգես Գասպարիին կալանավորելու մասին Շենգավիթ վարչական շրջանի ընդհանուր իրավասության դատարանի փետրվարի 19-ին կայացրած որոշումը:
Ըստ այդմ, վերաքննիչի որոշմամբ, վերացվում է Վարդգես Գասպարիի նկատմամբ որպես խափանման միջոց ընտրված կալանքը, և նա պետք է անհապաղ ազատ արձակվի:
Հիշեցնենք, որ Վարդգես Գասպարին մեղադրվում է դատավորներին վիրավորելու և դատական նիստերը բոյկոտելու մեջ: Վարդգես Գասպարիի փաստաբանները չնայած դատական նիստին ներկա չէին, սակայն ավելի վաղ տարածվել էր Գասպարիի ձեռագրի վերծանումը, որում ասվում էր, որ ակտիվիստի նկատմամբ քրեակատարողական հիմնարկում հալածանքներ են իրականացվում:
Հիշեցնենք նաեւ, որ երեկ խորհրդարանում պատգամավորներն իրականացրել էին ստորագրահավաք, որով պահանջում էին փոխել Գասպարիի նկատմամբ խափանման միջոցը:
