Եվրահանձնաժողովը պատրաստվում է համաձայնություն տալ Facebook սոցիալական ցանցի կողմից WhatsApp մեսենջերը 19 մլրդ դոլարով գնելու գործարքին։ Այս մասին հաղորդում է The Wall Street Journal-ը։
Ավելի վաղ եվրոպական հեռահաղորդակցության միավորումը կտրուկ դեմ է արտահայտվել նման միաձուլմանը։ Դրանից հետո Facebook-ը դիմել էր Եվրահանձնաժողովին՝ խնդրելով ստուգել այս միաձուլման արդյունքում հակամենաշնորհային օրենսդրության հետ հակասությունների հնարավորությունը։
