2013 թվականին Facebook սոցիալական ցանցի տարեկան եկամուտը կազմել է 7.87 մլրդ դոլար՝ 2012 թվականի 5.08-ի փոխարեն։ Այս մասին ասվում է ընկերության կողմից տարածված հաղորդագրության մեջ, որում ներկայացված է աշխարհի խոշորագույն սոցցանցի ֆինանսական զեկույցը։
Ընկերության գործարքային եկամուտը կազմել է 2.8 մլրդ դոլար՝ նախորդ տարվա 538 մլն-ի փոխարեն, ամքուր եկամուտը կազմել է 1.5 մլրդ դոլար։ Facebook-ի տվյալներով՝ 2013 թվականին ամեն օր ֆեյսբուքյան իր էջ մտնող օգտատերերի թիվը կազմել է 757 մլն։ Դա 22%-ով ավել է, քան նախորդ տարի։ Սոցիալական ցացից ամիսը գոնե մեկ անգամ օգտվել է 1.23 մլրդ օգտատեր, ինչը 16%-ով ավելի է նախորդ տարվա ցուցանիշից։ Բջջային հեռախոսից օգտվող ակտիվ օգտատերերի թիվը կազմել է 556 մլն։
Երեկ այս զեկույցից հետո Facebook-ի բաժնետոմսերի գինն աճել է 9 տոկոսով՝ կազմելով 58.3 դոլար։
