Facebook սոցիալական ցանցը կրկին հնարավորություն կտա օգտատերերին լրահոսում տեղադրել գլխատում պատկերող տեսանյութեր: Այս մասին հաղորդում է BBC-ն: Մայիս ամսին սոցիալական ցանցը սկսել էր հեռացնել այդպիսի տեսանյութերը:
Այժմ Facebook-ի մամուլի ծառայությունում հայտարարել են, որ սոցիալական ցանցը մի վայր է, որտեղ մարդիկ կարող են փոխանակվել իրենց փորձով, մանավանդ եթե խոսքը մարդու իրավունքների խախտման և ահաբեկչության դեմ պայքարի մասին է: Նման տեսանյութերի թույլատրումը արված է մեկ նպատակով` դատապարտել նման դրսևորումները:
