Facebook սոցիալական ցանցը գրանցել է նոր տեխնոլոգիա, որը թույլ կտա որոշել տարածվող բովանդակության օրինականությունը։ «Հակացանցահենային» արտոնագիրն աշխարհի ամենամեծ սոցցանցը ստացել է երեկ։ Այս մասին հաղորդում է Facebook-ի պաշտոնական բլոգը։
Ըստ տարածված հաղորդագրության, հրապարակվող բովանդակության օրինականությունը ծրագիրը կորոշի սոցիալական որոշակի «ազդանշաններով», այդ թվում՝ օգտատերի աշխարհագրական դիրքով, նրա հավանած ֆիլմերի ցանկով, անձնական էջում նշված հոբբիներով, ինչպես նաև սոցիալական ցանցում շփման շրջանակներով։ «Այդ ամբողջ տեղեկություններն օգտատերն ինքնակամ է հրապարակում, ինչը հավանվում է ընկերության կողմից և պահվում։ Մինչ այժմ այն չի օգտագործվել հրապարակվող բովանդակության օրինականությունը պարզելու համար», — ասել են Facebook-ի ներկայացուցիչները։
