Արդեն տեղեկացրել ենք, որ facebook սոցիալական ցանցը, որը խոշորագույնն է աշխարհում, խափանվել էր մոտ կես ժամով՝ հարուցելով շատ օգտատերերի անհանգստությունը։
Այս խափանումը նաև ցույց է տվել, որքան է բիզնեսը կապված Facebook-ի հետ։
Օրինակ, The Guardian պարբերականը հրապարակել է մի գրաֆիկ, որը վկայում է, որ այդ կայքի այցելությունները կտրուկ անկում են ապրել, երբ Facebook-ը խափանվել է՝ ցույց տալով լրատվամիջոցների կախվածությունն այդ ցանցից։
Ինչ վերաբերում է twitter-ին, ապա այս դեպքում տեղի է ունեցել հակառակը։ Օգտատերերի մեծ մասը «նետվել է» այս սոցցանց՝ պարզելու, թե ինչու է խափանվել Facebook-ը։
