Facebook սոցիալական ցանցը նորացրել է «Հավանել» կոճակի դիզայնը, որը ստեղծվել էր 2010 թվականին։ Բացի այդ, նորացվել է նաև «Կիսվելու» կոճակը։ Այս մասին հաղորդում է The Huffington Post-ը։
Նորացումից հետո ֆոնը դարձել է կապույտ, իսկ տառերը՝ սպիտակ։ Կայքը գրում է, որ այս փոփոխությունները շատերի համար չնչին կթվան, սակայն դրանց նորացումն անհրաժեշտ էր, քանի որ դրանք երևում են միլիոնավոր տարբեր ռեսուրսներում։ Ըստ կայքի՝ ամեն օր այս կոճակները տեսնում են 22 մլրդ անգամ, իսկ դրանք տեղադրված են 7,5 մլն ռեսուրսում։
