Աշխարհի խոշորագույն Facebook սոցիալական ցանցն այսօր նշում է իր հիմնադրման 10-ամյակը։
Այսօր շատ մարդիկ դժվար են պատկերացնում իրենց կյանքն առանց այս ցանցի, քանի որ այն հարմար գործիք է շփման, բիզնես վարելու, գաղափարների իրագործման համար։ Սակայն որոշ փորձագետներ նշում են, որ կենդանի շփման փոխարինումը ֆեյսբուքյան «չաթերով» կարող է հետագայում հոգեբանական և հոգեկան լուրջ խնդիրների հանգեցնել։
Սկզբում կայքը կոչվել է Thefacebook և նախատեսված է եղել բացառապես ուսանողների համար։ 2006 թվականից արդեն այստեղ գրանցվում են բոլոր ցանկացողները, ում տարիքը գերազանցում է 13-ը (չնայած այդ տարիքից ցածր երեխաները նույնպես կարողանում են մուտք գործել այս տարածք՝ շրջանցելով որոշ արգելքներ)։ Ներկայում Facebook-ի օգտատերերի թիվը գերազանցում է 1 միլիարդը։
