Ինչպես գրում է Technology Review-ն, Facebook սոցիալական ցանցում ներդրվելու են նոր տեխնոլոգիաներ, որոնք հետևելու են օգտատերերի վարքին: Այս նոր տեխնոլոգիայի մասին ակնարկել է Մայք Շրեփերը` նշելով, որ այս նախագիծը գաղտնի է, այդ է պատճառը, որ նախապես չի հայտարարվել դրա մասին:
Համակարգում օգտագործվելու է արհեստական նեյրոնային ցանց: Համակարգը հնարավորություն ունի լուսանկարների վրա տարբերակել մարդկանց դեմքերը, նրանց էմոցիաները և իրադարձություննեը, նույնիսկ եթե օգտատերը դրանց վրա նշված չէ: Facebook-ում կարծում են, նման տեխնոլոգիան հնարավորություն կտա կանխատեսել մարդկանց վարքը, ովքեր պարբերաբար օգտվում են այս սոցիալական ցանցից և հրապարակումներ անում անձնական էջերում: Նշվում է, որ այս տեխնոլոգիան օգտակար է նոր գործիքների մշակման, ինչպես նաև գովազդի արդյունավետ վաճառքի համար:
