Ռուս-թուրքական հարաբերությունները մեծ կարևորություն ունեն տարածաշրջանի համար, որտեղ այդ երկու երկրները վճռորոշ դերակատարում ունեն` թուրքական ԶԼՄ-ների հաղորդմամբ հայտարարել է Թուրքիայի նախագահ Ռեջեփ Թայիփ Էրդողանը:
«Թուրքիայի և Ռուսաստանի միջև եղել է անցանկալի միջադեպ ինքնաթիռի հետ կապված, և դրա բացասական հետևանքները շարունակվել են մոտ 8 ամիս: Այնուհետև մենք նամակ գրեցինք, առաջարկեցինք դադարեցնել այդ գործընթացը, քանի որ Թուրքիայի և Ռուսաստանի հարաբերությունները շատ մեծ նշանակություն ունեն տարածաշրջանի համար:
Հետևաբար տարածաշրջանի երկու վճռորոշ պետությունների միջև դիմակայությունը սխալ է: Խնդիրը պետք է լուծել: Բացի այդ, մենք ափսոսանք հայտնեցինք տեղի ունեցածի կապակցությամբ և ստացանք դրական պատասխան»,- ասել է Էրդողանը:
Հիշեցնելով, որ օգոստոսի 9-ին Սանկտ Պետերբուրգում տեղի կունենա իր հանդիպումը ՌԴ նախագահ Վլադիմիր Պուտինի հետ, Էրդողանը շեշտել է, որ Թուրքիայի արտաքին քաղաքականությունը չպետք է հիմնվի «Լքիր մեկին և ապավինիր մյուսին» սկզբունքի վրա:
