Էլեկտրոնային սարքավորումներ արտադրող Hewlett-Packard ընկերության նախկին ղեկավար Կարլի Ֆիորինան հայտարարել է Հանրապետական կուսակցությունից իր թեկնածությունն առաջադրելու մասին: Նա ցանկանում է մասնակցել 2016 թվականի ԱՄՆ նախագահական ընտրություններին: Այս մասին հաղորդում է Reuters գործակալությունը:
«Այո, ես առաջադրում են թեկնածությունս նախագահական ընտրություններում: Կարծում եմ, որ ես ամենալավ մարդն եմ այդ աշխատանքի համար, քանի որ հասկանում եմ, թե իրականում ինչպես է աշխատում տնտեսությունը։ Ես հասկանում եմ աշխարհը և ինչպես է այն գործում», — ասել է Ֆիորինան:
Ֆիորինան նախկինում երբեք չի զբաղեցրել պետական պաշտոն: Հանրապետական կուսակցության հնարավոր թեկնածուների ցանկում նա վերջինն է հարցումների արդյունքում:
