Հանրապետությունում գյուղատնտեսական մշակաբույսերի ցանքատարածությունները 2011-2015 թվականների ընթացքում ավելացել են գրեթե 68 հազար հեկտարով, միայն 2015 թվականին` 18 հազար 500 հեկտարով և կազմել են 351 հազար 300 հեկտար:
Այդ մասին «Հայագրոֆորում» համաժողովի ժամանակ իր զկեւյցում նշեց ՀՀ գյուղատնտեսության նախարար Սերգո Կարապետյանը: Նրա խոսքով` վարելահողերի նպատակային օգտագործման մակարդակը 2015-ին հասել է 78.5 տոկոսի, 2010-ի 63.2 տ ոկոսի դիմաց:
«Ընթացիկ տարվա հունվար-օգոստոս ամիսներին գյուղատնտեսության համախառն արտադրանքը կազմել է 504 միլիարդ 900 միլիոն դրամ, որը գերազանցում է նախորդ տարվա նույն ժամանակահատվածի ցուցանիշը 13.5 տոկոսո: Հանրապետության բոլոր մարզերում գրանցվել է գյուղատնտեսության բոլոր ճյուղերի արտադրության ծավալների զգալի աճ»,- ասաց նախարարը:
Նրա տեղեկացմամբ, նախարարությունը, գյուղատնտեսության ոլորտին առնչվող խնդիրների լուծման գործընթացում ակտիվ համագործակցություն է ունեցել հանրապետության բոլոր մարզպետարանների և նրանց համապատասխան ստորա-բաժանումների հետ:
