2008թ. Doing Business-2008-ում Հայաստանը 181 երկրկների շարքում 41-րդ էր Doing Business-2013-ում այն 32-րդն է 185 երկրների շարքում:
«2013-2014թթ մրցունակության համաշխարհային զեկույց» -ում Հայաստանը 79-րդն է 148 երկրների մեջ, այն դեպքում երբ «2007-2008թթ մրցունակության համաշխարհային զեկույց»-ում 93-րդն էր 131 երկրների մեջ:
Անցած տարի հրապարակված Doing Business-2013-ում Հայաստանը ամենամեծ առաջընթացը արձանագրել էր «ներդրումային միջավայր» ենթացուցիչում, սակայն անցած տարի Օտարերկյա ուղղակի ներդրումները (ՕՈՒՆ) մոտ 28 տոկոսով պակաս էին` 2011-ի և 2009-ի համեմատ, ավելի քան 7 տոկոսով պակաս էին` 2010թ համեմատ և մոտ 42 տոկոսով պակաս` 2008թ համեմատ:
Հարց է առաջանում` այդ ինչպես են հաշվարկում գործարար միջավայրի վերաբերյալ այդ ինդեքսը, որ ինչքան այն լավանում է, այնքան գործարար միջավայրը վատանում է` հանգեցնելով ներդրումների նվազման: Նման պարադոքս միայն մեր դեպքում կարող էր լինել:
Եվ քանի որ այսօր ԱԺ-ում 2014թ բյուջեն ներկայացնելիս վարչապետ Տիգրան Սարգսյանը խոսեց Doing Business ցուցանիշն էլ ավելի բարելավելու մասին, մնում է սպասել ներդրումների` էլ ավելի մեծ նվազում:
«Չնայած որ մենք այդ ցուցանիշով 180 երկրների համեմատության մեջ առաջին 40 երկրների շարքում ենք, դա իհարկե մեզ չի կարող բավարարել երկու պատճառով. հաշվի առնելով աշխարհաքաղաքական ռիսկերը, որոնք իրենց էական և բացասական ազդեցությունն են թողնում բիզնես միջավայրի վրա, մենք պարտավոր ենք հայտնվել առնվազն առաջին քսանյակում»,- հայտարարել է վարչապետը:
Հայկ Մանուկյան
