«Քաղաքացիական պայմանագիր» կուսակցության առաջնորդ Նիկոլ Փաշինյանը ՀՀ կառավարության 3-րդ մասնաշենքի մոտ կոչ արեց ոստիկաններին միանալ իրենց համաժողովրդական շարժմանը:
«Սիրելի՛ ոստիկաններ, այս շարժումը չի մարելու: Երբ հասնենք Բաղրամյան 26, վա՛յր դրեք ձեր վահանները և մահակները ու միացե՛ք մեզ: Խորհրդակցե՛ք ձեր ընտանիքների հետ, նրանց հարցրեք, որ այս մարդիկ հասնեն Բաղրամյան 26՝ տանք նրանց ջարդուփշո՞ւր անենք, թե՞ միանանք շարժմանը:
Ոստիկանը շաբաթ-կիրակի կգնա՞ ցեմենտ-բետոն կանի, տեսնո՞ւմ եք` ինչի են հասցրել այս երկիրը»,- ասաց Փաշինյանը:
Փաշինյանի կոչից հետո նրան մոտեցավ Երևանի փոխոստիկանապետ Վալերի Օսիպյանը՝ խնդրելով դադարեցնել նման կոչերը:
