Առողջապահության փոխնախարար Սերգեյ Խաչատրյանի հայտարարությունն այս շաբաթ շոկ առաջացրեց: Առողջապահության նախարարության որոշմամբ այս տարվա մարտի մեկից նախարարության հաստատած ցանկով դեղերն առանց դեղատոմսի հնարավոր չի լինի գնել:
Araratnews.am-ն անդրադարձել է խնդրին, ներկայացրել մտահոգությունները: Թեեւ որոշումն ուժի մեջ է մտնելու մեկ շաբաթից, սակայն Araratnews.am-ն արձանագրել է՝ մի քանի դեղեր արդեն իսկ թանկացել են: Մասնավորապես, սրտի եւ ճնշման դեղերից Կարդիոմագնիլը 2900-ից դարձել է 3100 դրամ, Կարդիոլիպինը՝ 2600-ից 2750, Դիովանը՝ 3800-ից 4100, Արիֆոնը՝ 3300-ից 3320 դրամ:
Տեղեկացնենք, որ որոշման ուժի մեջ մտնելուց հետո եւս դեղերը կթանկանան, որի մասին օրեր առաջ հայտարարել էր ՀՀ դեղարտադրողների և դեղ ներմուծողների միության նախագահ Սավել Զաքարյանը:
Սոնա Դավթյան
