Երեկ Թուրքիայի վարչապետ Ահմետ Դավութօղլուն BBC-ին տված հարցազրույցում հայտնել է, թե ում է համարում Թուրքիայի թշնամիներ։
Ըստ Դավութօղլուի՝ այս պահին Թուրքիայի թշնամիներն են Սիրիայի գործող ռեժիմը, Քրդստանի աշխատավորական կուսակցությունը և «Իսլամական պետություն» խմբավորումը։
Այս մասին նա ասել է՝ մեկնաբանելով Քոբանիում ծավալվող իրադարձությունները, որի ժամանակ իսլամիստները փորձում են գրավել սիրիական քրդաբնակ այդ քաղաքը, իսկ Թուրքիան հրաժարվում է զորքեր մտցնել այդ շրջան՝ քրդերին պաշտպանելու համար։ Ըստ Դավութօղլուի՝ Քոբանիի դեպքերը Սիրիայի ճգնաժամի մի մասն է, և մինչև սիրիական ճգնաժամի կարգավորումը Քոբանիի պաշտպանության մասին խոսք լինել չի կարող։
Ադրբեջանական մամուլը զարմացած է այս հայտարարությունից, քանի որ Հայաստանը Թուրքիայի թշնամիների շարքում չի նշվել։
