Դատավոր Դավիթ Գրիգորյանի աշխատասենյակում տեղի ունեցած խուզարկությունն իրականացվել է ՀՀ Հատուկ քննչական ծառայությունում հարուցված քրեական գործի շրջանակներում: Այս մասին AraratNews.am-ի հետ զրույցում ասաց ՀՔԾ մամուլի խոսնակ Մարինա Օհանջանյանը:
Հարցին, թե ինչ քրեական գործի մասին է խոսքը, ՀՔԾ խոսնակը չմեկնաբանեց: «Այս պահին կարող եմ միայն ասել այն, որ ՀՔԾ-ում քննվող քրգործի շրջանակներում տեղի է ունեցել խուզարկություն: Այլ մանրամասներ կհաղորդենք առաջիկայում»,- ասաց Օհանջանյանը:
Հիշեցնենք, որ դատավոր Դավիթ Գրիգորյանը Ռոբերտ Քոչարյանին կալանքից ազատած և քրեական գործը ՍԴ ուղարկած դատավորն է:
