Կաշառակերության համար մեղադրվող նախկին դատավոր Գագիկ Հեբոյանի փաստաբան Արմեն Նադիրյանից այսօր Araratnews.am-ը տեղեկացավ, որ ավարտվել է ապացույցների հետազոտությունը: «Հաջորդ դատական նիստում հարցաքննելու են վկաներին»,- ասաց փաստաբանը:
Ինչո՞ւ է դատական այս գործն արագ քննվում: Փաստաբանը համաձայնեց՝ գործը իրոք արագ են քննում, իսկ թե ինչու է այդպես, դժվարացավ ասել: «Ամեն դեպքում արտասովոր է: Գուցե դատավորը գործուղման մեջ է եւ ուզում է արագ ավարտել գործը»,- ասաց Արմեն Նադիրյանը:
Գագիկ Հեբոյանը, փաստաբանի խոսքով, համաձայն չէ իր մեղադրանքին: «Մենք անգամ խափանման միջոցը փոխելու միջնորդություն էինք ներկայացրել, սակայն մերժվեց: Կարծում եմ՝ կալանքի տակ պահելն արդարացված չէ»,- ավարտեց իր խոսքը նախկին դատավորի փաստաբանը:
Սոնա Դավթյան
