Հոկտեմբերի 15-ին Սյունիքի մարզի ընդհանուր իրավասության դատարանում Արտակ Բուդաղյանի գործով հերթական դատական նիստի ժամանակ փաստաբան Հայկ Ալումյանը դատարան է ներկայացրել ձայնագրություններ, որոնց վերծանումները փաստաբանի կողմից հրապարակվել են ավելի վաղ՝ հրավիրված մամլո ասուլիսի ժամանակ: Հիշեցնենք՝ նախորդ տարվա հունիսի 1-ի լույս 2-ի գիշերը Սյունիքի մարզպետ Սուրիկ Խաչատրյանի գորիսյան առանձնատան մոտ տեղի ունեցավ փոխհրաձգություն: Միջադեպի հետևանքով մահացավ Գորիսի քաղաքապետի նախկին թեկնածու Ավետիք Բուդաղյանը, վիրավորվել էր նրա եղբայրը՝ գործով որպես մեղադրյալ անցնող Արտակ Բուդաղյանը և Սուրիկ Խաչատրյանի թիկնապահ Նիկոլայ Աբրահամյանը:
Բուդաղյանների փաստաբան Հայկ Ալումյանը մեզ հետ զրույցում նշեց, թե Սուրիկ Խաչատրյանի առանձնատան տեսախցիկներից մեկը ձայնագրել է կատարվածը։
Հետագայում, երբ հանրահայտ տեսանյութը ուղարկվել էր փորձաքննության, փորձագետներին
Հայկ Ալումյան
հաջողվել էր ոչ միայն այդ տեսագրությունը վեր հանել, այլև պարզեցնել խոսակցությունները և վերծանման ձևով ներկայացնել քննության: Հայկ Ալումյանը մանրամասնեց. «Որ Սուրիկ Խաչատրյանն է հարվածներ հասցրել Ավետիք Բուդաղյանին մեքենայի մեջ, որտեղ որ իրենք փորձում են անօրինական զենքերը պահել, երբ որ դեպքի ժամանակ կանայք գոռում են «Տիգրան, մի կրակի», այսինքն ինքնապաշտպանություն չի: Սուրիկ Խաչատրյանի ընտանիքի կանայք գոռում են «Տիգրան, ինչի կրակեցիր», Տիգրան, թաղեմ բոյդ, մի կրակի»,- մեզ հետ զրույցում նշեց Բուդաղյանների փաստաբանը:
Մանրամասներն` այստեղ:
