Իսպանացի օպերային երգիչ Պլասիդո Դոմինգոն, որը վարակվել էր կորոնավիրուսով, դուրս է գրվել Մեքսիկայի հիվանդանոցներից մեկից: Այս մասին հայտնում է CNN-ը՝ հղում անելով մեքսիկական Գերրերո նահանգի առողջապահության նախարարության աղբյուրին:
Դոմինգոն պատմել է կորոնավիրուսով վարակի մասին մարտի 22-ին: Ավելի ուշ լրատվամիջոցները, հղում անելով արտիստի ներկայացուցչին, հայտնել էին, որ բարդությունների պատճառով Դոմինգոն հոսպիտալացվել է Գերրերո նահանգի Ակապուլկոյի մասնավոր հիվանդանոցում:
Ըստ աղբյուրի, ներկայումս արտիստի վիճակը գնահատվում է կայուն, նա դուրս է գրվել հիվանդանոցից:
