Ոստիկանության հասարակայնության հետ կապի և լրատվության վարչության պետն Աշոտ Ահարոնյանն այսօր մամուլի ասուլիսում անդրադարձել է ցմահ դատապարտյալ Մհեր Ենոքյանի մասին տեսանյութի՝ նախկին ոստիկանապետի խորհրդական Նարեկ Մալյանի մոտ լինելու փաստին:
Պարոն Ահարոնյանի խոսքով՝ ցմահ ազատազրկված Մհեր Ենոքյանի մասին տեսանյութը տրամադրվել է փաստաբանին։
Լրագրողները հետաքրքրվեցին` արդյո՞ք այդքան հեշտ է ոստիկանությունը տեսանյութեր տրամադրում։
«Հեշտ է, երբ մեզ դիմում է փաստաբանը: Քաղաքացուն չի տրամադրվում, բայց փաստաբանին տրամադրվում է: Հրապարակումից հետո մենք նայել ենք մեր քարտուղարությունում: Գրությունն ուղարկել է փաստաբանը: Մենք տրամադրել ենք փաստաբանին: Գուցե Նարեկ Մալյանը վերցրել է փաստաբանից կամ փաստաբանն է տվել»,-ասաց նա:
