Նոյեմբերի 18-ին Անկարայում Հունաստանի վարչապետ Ալեքսիս Ցիպրասի հետ համատեղ մամուլի ասուլիսին Թուրքիայի վարչապետ Ահմեդ Դավութօղլուն, անդրադառնալով Թուրքիայի տարածքից դեպի հունական կղզիներով Եվրոպա ուղևորվող գաղթականների հարցին, հայտարարել է, որ և՛ Թուրքիան, և՛ Հունաստանը սիրիական ճգնաժամի տուժածներն են, ոչ թե պատասխանատուները, հաղորդում է Hurriyet-ը:
«Որպես այս խնդիրներին առերեսվող կողմեր՝ մենք որոշել ենք երկկողմ համատեղ աշխատանք տանել»,- ասել է Դավութօղլուն:
Վարչապետները պայմանավորվածություն են ձեռք բերել ներգաղթյալների ճգնաժամին դիմագրավելու նպատակով համապատասխան նախարարությունների մեխանիզմների և աշխատանքային խմբերի ստեղծման շուրջ:
