Երեկ Սերժ Սարգսյանի հրամանագրերով մի շարք երգիչ-երգչուհիներ պարգեւատրվեցին: Նրանց շարքում էր նաեւ Ռազմիկ Ամյանը: Երաժշտական բնագավառում ունեցած վաստակի համար Սերժ Սարգսյանը Ամյանին վաստակավոր արտիստի կոչում է շնորհել: Առհասարակ, Սերժ Սարգսյանի երաժշտական ճաշակը աշխարհը չունի` կասեր Ռազմիկ Ամյանը: Սարգսյանը դա ապացուցել էր նախորդ տարի, երբ Արմենչիկին շնորհել էր նույն այն կոչումով, ինչով պարգեւատրեց Ռազմիկ Ամյանին:
Վերջինս էլ, ոգեւորված Սարգսյանի պարգեւատրումից, ֆեյսբուքյան իր էջում գրառում էր արել, իսկ որպեսզի գրառումը Բաղրամյան 26-ին եւ, որ ամենակարեւորն է, վաստակավորի կոչում ունեցողին հարիր լինի, Ռազմիկ Ամյանը նախ գրում է հայերեն, ապա «թարգմանում» լատինատառ (տե՛ս լուսանկարը).
Ամյանի գրառումը արժանացել է մեծ թվով հավանումների (լայքերի): Օգտատերերի արձագանքը տարբեր է: Ոմանք համարում են, որ Ռազմիկ Ամյանը արժանի է կոչմանը, ավելին, կարծիք են հայտնել, որ Սերժ Սարգսյանը մի բան էլ ուշացրել է: Եղել են օգտատերեր, ովքեր քննադատություն են հնչեցրել:
Օրինակ` ֆեյսբուքյան օգտատերերից Արա Կազարյանը Ամյանի գրառման տակ արձագանքել է.
Ախպեր ջան շնորհավոր:
Axper jan shnorhavor!
Ахпер Джан Шноравор!
Գուրգեն Ասատրյանն էլ գրել է. «Ինչքան սերժիկնա նախագահ՝ այնքան էլ դու էս վաստակավոր»:
Տաթեւ Հովհաննիսյանն էլ կարծիք է հայտնել, որ Ռազմիկ Ամյանն արժանի էր կոչմանը: Օգտատերը լատինատառով հետեւյալ գրառումն է արել. Iroq vor arjani eq,ev der vaxuc petq e arjanacac lineiq! Shnorhavorum en:
Ռազմիկ Ամյանի գործընկերներից երգիչ Noro-ն էլ շտապել է շնորհավորել Ամյանին` որոշակի խմբագրելով նրա երգերից մեկը: Shnorhavorum em Vastakavor jan!
Chuni Ashxarhe Qez Amyan,- գրել է նա:
Օգտատերերի մյուս արձագանքներին ծանոթացեք այստեղ:
Փայլակ Ֆահրադյան
