Christie’s աճուրդների տունը վաճառել է Իսահակ Նյուտոնի «Բնական փիլիսոփայության մաթեմատիկական սկզբունքները» աշխատանքի առաջին հրատարակության եզակի նմուշը 2.5 մլն դոլարով։
Դասական ֆիզիկայի հիմքում ընկած այս աշխատությունը տպագրվել է 1687 թվականին՝ Անգլիայի թագավոր Հակոբ 2-րդ Ստյուարտի համար։ Նրա կազմը զարդարված է միապետի միացագրով։ Աճուրդի կազմակերպիչները նախատեսում էին այն վաճառել 400-600 հազար դոլարով։ Նրանք կարծիք են հայտնել, որ այս օրինակը յուրահատուկ է, քանի որ վերջին 50 տարում չի վաճառվել այս գրքի և ոչ մի օրինակ։ Առայժմ հայտնի չէ գրքի ոչ նախորդ և ոչ էլ ներկա տիրոջ անունը։
