«Հին վարպետների» և բրիտանացի նկարիչների աշխատանքների վաճառքը մեծ գումարներ է ապահովել Christie’s աճուրդների տան համար։ Այս մասին գրում է RIA-Novosti գործակալությունը։
Այս աճուրդի ամենաթանկ աշխատանքը վաճառվել է 5.6 մլն ֆունտ ստերլինգով։ Այն պատկանել է բնապատկերների ֆրանսիացի վարպետ Կլոդ Լորենին և կոչվել է «Միջերկրածովյան նավահանգիստն՝ արևածագին»։ Սպասվում էր, որ Լորենի աշխատանքը կվաճառվի 3.5- մլն ֆունտով։ Վաճառվել է նաև Ռեմբրանդտի «Տղամարդը թրով» աշխատանքը, որի համար գնորդն առաջարկել է 2.5 մլն ֆունտ ստերլինգ։
Բացի այդ, հաղորդվում է, որ այս վաճառքի ժամանակ սահմանվել է շուրջ 10 հեղինակների աշխատանքների վաճառքի ռեկորդ։
