ՀՀԿ տարածքային ցուցակով պատգամավոր ընտրված Նաիրի Սահակյանը հերքում է տեղեկություններն այն մասին, թե պատրաստվում է մանդատից հրաժարվել, պայմանով, որ եղբայրը՝ Արագածոտնի նախկին մարզպետ Սարգիս Սահակյանը, դարձյալ մարզպետ նշանակվի: Այս մասին Araratnews.am-ի հետ զրույցում ասաց Նաիրի Սահակյանը. «Չկա այդպիսի բան»:
Հիշեցնենք, որ Նաիրի Սահակյանը պատգամավոր է ընտրվել Արագածոտնի մարզից ռեյտինգային ցուցակով: Նրա եղբայրը զբաղեցնում էր Արագածոտնի մարզպետի պաշտոնը նախքան ՀՀԿ-ՀՅԴ համագործակցության հուշագրի ստորագրումը, որից հետո այդ պաշտոնը տրվեց Դաշնակցությանը:
Մամուլում հրապարակված տեղեկությունների համաձայն` Նաիրի եւ Սարգիս Սահակյանները երեկ եղել են Բաղրամյան 26-ում, սակայն Սարգիս Սահակյանը հերքեց այս տեղեկությունները:
