Չինաստանի Հուբեյ նահանգի Իչան քաղաքում տեղի է ունեցել հավերի գեղեցկության մրցույթ։ Այս մասին հաղորդում է Metro-ն։
Եզրափակիչ փուլ է դուրս եկել 7 թռչուն։ Նրանց գնահատել են փետուրների խտությամբ, մարմնի մասերի ներդաշնակությամբ, քայլքով և «հատուկ ունակություններով»։
Հաղթել է Մեյ անունով հավը, որի տերը հայտարարել է, որ զարմացած չէ այս հաղթանակով, քանի որ համարում է Մեյին գեղեցկության մարմնավորում։ Նշվում է, որ ժյուրին նախապատվությունը տվել է Մեյին այն բանից հետո, երբ վերջինս պարել է չինական ժողովրդական երաժշտության տակ։
Դրանից հետո հավին վաճառել են աճուրդում 800 դոլարով։
