Մյունխենի «Բավարիայի» պաշտպան Ֆիլիպ Լամը Չեմպիոնների լիգայի խմբային փուլի մեկնարկի նախօրեին այդ մրցաշարի ֆավորիտ է համարում Մադրիդի «Ռեալին»։
««Ռեալը», որը հսկայական գումարներ ունի, առանց այն էլ՝ գերազանց թիմ է, իսկ հիմա ավելի է ուժեղացել։ Նա, անկասկած, ամենաբարդ մրցակիցն է։ Ես կրկին ցանկանում եմ դառնալ Չեմպիոնների լիգայի հաղթող։ Ցանկանում եմ դա անել կա՛մ այս կազմի, կա՛մ առաջիկա երեք տարիների ընթացքում», — ասել է Լամը։ Այս մասին հաղորդում է ՈւԵՖԱ-ի պաշտոնական կայքը։
