Իսպանիայի հյուսիսում կայացել է «Աստուրիայի արքայազն» ամենամյա մրցանակաբաշխությունը: Այն շնորհվել է Իսպանիայի արքայազն Ֆիլիպի կողմից: Մրցանակին են արժանացել գիտնականներ Փիթեր Հիգսը, Ֆրանսուա Էնգլերտը և եվրոպական CERN հետազոտությունների կենտրոնը:
Հիգսը և Էնգլերտը, ովքեր նաև Նոբելյան մրցանակակիրներ են, այս մրցանակին են արժամացել Մեծ պայթյունից հետո մատերիայի ձևավորումը բացատրելու համար: CERN գիտահետազոտական կենտրոնը, որը գտնվում է Ֆրանսիայի և Շվեյցարիայի սահմանին, այս մրցանակին է արժանացել սուբատոմային մասնիկների՝ զանգված ձեռք բերելու գործընթացը բացատրելու համար:
«Աստուրիայի արքայազն» մրցանակին են արժանացել նաև ամերիկացի լուսանկարչուհի Էնի Լեյբովիցը, իսպանացի գոլֆիստ Խոսե Մարիա Օլազաբալը, ավստրիացի ռեժիսոր Միքայել Հանեկեն և հոլանդա-ամերիկուհի սոցիոլոգ Սակսիա Սասսեն:
Մրցանակը, որ տրվում է 1981-ից, ունի 50,000 եվրո մրցանակային գումար:
