King Digital Entertainment ընկերությունը, որին պատկանում է համակարգչային Candy Crush Saga հայտնի խաղը, երեկ լուրջ արժեզրկվել է այն բանից հետո, երբ նրա բաժնետոմսերը հանվել են վաճառքի: Այս մասին հաղորդում է The Wall Street Journal-ը:
Նյու Յորքի ֆոնդային բորսայում կայացած վաճառքների ժամանակ ընկերության կապիտալիզացիան նվազել է 15,6%-ով: Մեկ բաժետոմսի գինը բորսայի փակման ժամանակ կազմել է 19 դոլար: Սա վատագույն ցուցանիշն է համացանցային ընկերությունների առաջին օրվա վաճառքի համար վերջին կես տարվա ընթացքում:
