Այս հիվանդության ժամանակ ոսկրերը փխրուն են դառնում ու կոտրվում անգամ չնչին ծանրություն բարձրացնելու դեպքում:
Երիտասարդ տարիքում ոսկրի մեջ անընդհատ նոր հյուսվածքներ են առաջանում կորսվածի փոխարեն, բայց 30-35 տարեկանից սկսած բնական ոսկրահյուսվածքի դանդաղ քայքայում: Դրան նապստում են սխալ սնվելը, հորմոնալ փոփոխությունը, ժառանգականությունը, սակավաշարժությունը:
Հիվանդությունն աննկատ է զարգանում. կարող է գոտկատեղում տնքացող բութ ցավով սկսվել: Հետո կարող կեցվածքը փոխվել, և ողնաշարի նստեցման պատճառով` հասակը պակասել: Հիվանդությանն ուղեկցող երևույթներ են եղունգների շերտատումը, ոտնաթաթի և ծնկան հաճախակի գիշերային ջզաձգումները, քրոնիկ հոգնածությունն ու անգամ ժամանակից շուտ մազերի ճերմակելը: Օրինաչափություն դժվար է անվանել, սակայն հիվանդությունն ավելի հաճախ հանդիպում է երիտասարդ բարձրահասակ ու նիհար կազմվածքով կանանց մոտ: Հիվանդության գլխավոր պատճառներից մեկը երիտասարդ տարիքում նիհարելու համար տարբեր սննդակարգերն են: Ոսկրերին կալցիում է անհրաժեշտ: Տարիքի հետ կալցիումի անբավարարությունն ավելի զգալի է դառնում` կապված կանացի հորմոնի` էստրոգենի նվազման հետ: Դաշտանադադարի ժամանակ ոսկրազանգվածի կորուստը տարեկան կտրվածքով կարող է հասնել 2-5%-ի և դառնալ օսթեոպորոզի պատճառ: Ուստի կանանց օգնում են կալցիումով հարուստ օրաբաժինն ու պարբերական ֆիզիկական վարժությունները (ցանկացած տարիքում):
Կալցիումով հարուստ սննդակարգ նախընտրելու դեպքում պետք է հիշել, որ կալցիումն ամբողջությամբ չի յուրացվի, եթե դրա հետ միասին մագնեզիում չօգտագործվի: Թե՛ մեկը և թե՛ մյուսը բավականաչափ առկա են կաթնային ու ծովային մթերքներում, մսի, կանաչ բանջարեղենի մեջ:
Սուրճը ոսկրերից դուրս է բերում մեծ քանակով կալցիում: Դրա համար, օսթեոպորոզից զուշանալու նպատակով նվազեցնել է հարկավոր սուրճի քանակը. ի դեպ, կոֆեին կա ոչ միայն սուրճի, տաք շոկոլադի, կոլայի, այլև թեյի մեջ: Հիվանդության զարգացմանը նպաստում են նաև աղը, շաքարն ու ալկոհոլը: Այս սննդամթերքները դուրս են մղում կալցիումի պաշարները, ինչը հանգեցնում է ոսկրերի ձևախախտման:
Որպես օսթեոպորոզի կանխարգելման միջոց առաջարկվում է զբաղվել սպորտով, պարերով, քայլքով ու լողով:
