Կրծքագեղձի քաղցկեղը նորագոյացություն է, որի առաջացմանը նպաստում են մի շարք հորմոնալ գործոններ:
Հաճախ կրծքագեղձի քաղցկեղ է առաջանում չծննդաբերած, մեծ թվով աբորտներ, ձվարանների հիվանդություններ, վաղ դաշտան և ուշ ծննդաբերություն ունեցած կանանց մոտ:
Մեծ նշանակություն ունի ժառանգական նախատրամադրվածությունը, այսինքն` քաղցկեղային հիվանդություններն արյունակիների մոտ: Հիվանդության առաջացման ռիսկը մեծ է դիաբետով, գիրությամբ, արյան բարձր ճնշում ունեցողների դեպքում, իսկ հորմոնալ հակաբեղմնավորիչների կիրառումն էականորեն նվազեցնում է քաղցկեղառաջացման վտանգը:
Ախտանշանները
Հիմնական ախտանշանը կրծագեղձի շրջանում ուռուցքի առաջացումն է: Հիմնականում այն տեղակայվում է կաթնագեղձի վերին հատվածում, գրեթե միշտ անցավ է լինում ու պինդ:
Ուռուցքը կարելի է շոշափել կանգնած կամ էլ պառկած վիճակում: Պտուկը քաշելիս` այն տեղաշարժվում է ու արյունոտ արտադրություն է նկատվում: Մաշկն ասես թորշոմում է, իսկ ուռուցքի հատվածում «կիտրոնի կեղևի» է նմանվում, որտեղ հետագայում նաև խոցեր են գոյանում:
Ախտորոշումը
Կուրծքը պետք է զննել ինչպես ձեռքերն իջեցրած, այնպես էլ բարձրացրած դիրքերում, կանգնած ու պառկած վիճակում, 2 ձեռքով: Ուլտրաձայնային ու մամոգրաֆիկան հետազոտությամբ կարող են հայտնաբերվել նաև քաղցկեղի չշոշափվող տեսակներ:
Այսօր կրծքագեղձի քաղցկեղն ուռուցքային հիվանդություններից ամենատարածվածն է, ու դրա համար հարկավոր է ամեն տարի հետազոտություն անցնել:
Ինքնախտորոշում
Նպատակն նորագոյացության ինքնուրույն հայտնաբերումն է ու մասնագետին ժամանակին դիմելու անհրաժեշտությունը:
Կանանց ու աղջիկներին ամեն ամիս առաջարկվում է դաշտանի ավարտից հետո զննել կուրծքը, ստուգել սպիտակեղենն ու պտկի շրջանում բծերի հայտնաբերման դեպքում դիմել համապատասխան մասնագետի:
Կրծքագեղձի քաղցկեղի դեպքում առաջարկվում է համալիր բուժում իրականացնել, որը ներառում է ` ճառագայթային թերապիա: Իսկ քիմիաթերապիան նաև առողջ բջիջների վերականգնման հավանականությունն է մեծացնում: Քիմիաթերապիան հիվանդության նախնական փուլում շատ լավ արդյունքէ տալիս, ու բարելավում կյանքի որակը:
Ի դեպ, տարածված կարծիք կա, որ կրծքագեղձի քաղցկեղը կանանց հիվանդություն է, սակայն, վիճակագրության համաձայն, կրծքագեղձի քաղցկեղով հիվանդանում են նաև տղամարդիկ:
