Աշունն ամեն մեկը յուրովի է ընկալում ու դա կախված է ոչ միայն բնավորությունից, այլև առողջական վիճակից:
Տարեցների մեծ մասի մոտ հոդերն ու մկաններն են ցավում (սրվում է ռևմատիզմը կամ էլ օստեոարթրիտը), նվում հին վնասվածքների ու կոտրվածքների տեղերը:
Հին ցավերն են գլուխ բարձրացնում: Իսկ եթե եղանակը կտրուկ ցրտում է ու երկար ժամանակով, ապա իմունիտետն է թուլանում.փռշտոց ու հազ է առաջանում, ոմանց մոտ սրվում է բրոնխիտը, տոնզիլիտը, հայմորիտն ու մյուս հիվանդությունները:
Սակայն սա ամբողջը չէ: Շատերի մոտ արյունատար անոթների սպազմ, կծկում է առաջանում. Իսկ դա ստենոկարդիայի հանգեցնող (սրտային անբավարարություն) կամ հիպերտոնիկ կրիզի տանող կարճ ուղին է:
Վերջին տարիներին «անոթային աղետները»` ինֆարկտները, կաթվածները, սրտի ծանր իշեմիկ հիվանդությունները, շատ «երիտասարդացել են» Սակայն, առաջվա պես ռիսկի խմբում, ամենախոցելին 40-50 տարեկան տղամարդիկ են, ովքեր զբաղված են պատասխանատու աշխատանքով: Սթրեսները, ալկոհոլի ու ծխախոտի չարշահումը, գերբեռնվածությունն ու սակավաշարժությունը` նստակյաց աշխատանքը, վնասակար սովորույթներ են ու վճռորոշ հանգամանքներ:
Մասնագետներն առաջարկում են հետևյալ թեստը` պարզելու, թե որքանով եք եղանակային փոփոխությունների նկատմամբ զգայուն:
-Եղանակի փոփոխությունից առաջ անբացատրելի լարվածություն եք զգում;
— Արևմտյան կամ էլ հարավ-արևմտյան քամու պարագայում շնչառությունը դժվարանում է, քրտնարտադրությունը` ուժգնանում:
— Արևմտյան կամ էլ հարավ-արևմտյան քամու դեպքում առավոտյան դժվարությամբ եք անկողնուց վեր կենում:
-Եղանակի փոփոխության հետ տհաճ զգացողություններ ունենում եք ամեն շաբաթ:
-Երբ շոգին զովանում է` ավելի լավ եք զգում:
Եթե թվարկված հարցերից ավելի քան 4-ի դեպքում հասատ «այո» եք պատասխանել, ապա ձեզ մոտ եղանակից կախվածությունն ուժեղ արտահայտված է: Դա նշանակում է, որ լարված աշխատանք սկսելուց առաջ խորհրդակցեք բժշկի հետ:
Իսկ եթե թվարկված հարցերից 3-ին եք հաստատական պատասխան տվել, ապա կախվածությունը միջին է: Իսկ մեկ «այո» պատասխան դեպքում` հանգիստ եղեք, դուք եղանակային կախվածություն չունեք:
Ահա թե ինչ խորհուրդներ է տալիս հայտնի ակադեմիկոս սրտաբան Ռաֆայել Օհանովը.
-Սիրտը երկար տարիներ առողջ պահելու համար պետք է`
1.Հրաժարվել ծխելուց:
2.Ճիշտ սնունդ ընդունել(միս, ձուկ, բանջարեղեն, մրգեր, հացահատիկ, ամբողջահատիկ ցորենից հաց, ձեթ, ճարպեր ու քաղցրավենիք` քիչ քանակությամբ , և անպայման հարկավոր է հետևել քաշին:
3.Շատ շարժում, հատկապես մաքուր օդին.օրական առնվազն 10 հազար կամ, հնարավորության դեպքում` մինչև 20 հազար քայլ արագ քայլերով:
4. Կանոնավոր կերպով հետևել ճնշման տատանումներին ու անհանգստության դեպքում դիմել մասնագետի օգնությանը:
5.40-ից հետո կանոնավոր կերպով ստուգել արյան մեջ շաքարի ու խոլեստերինի մակարդակը:
6. Շաբաթական մեկ կամ երկու անգամ ընթրիքին մեկ բաժակ կարմիր գինի խմել կամ էլ գարեջուր (մասնագետի խորհուրդ է):
