Ալոպեցիան հիվանդագին մազաթափությունն է: Ալոպեցիայի դեպքում գլխի կամ էլ մարմնի որոշակի հատվածում մազերի նոսրացում կամ էլ լրիվ մազաթափություն է դիտվում:
Ալոպեցիան տարբեր պատճառներով կարող է զարգանալ, դրանք լինում են ներքին ու արտաքին:
Արտաքին պատճառներից են սթրեսներն ու գլխամաշկի մեխանիկական վնասումը, իսկ ներքին պատճառներից են հորմոնալ խանգարումները, քրոնիկ վարակիչ հիվանդությունները, նյութափոխանակության խանգարումները, հղիությունն ու ծննդաբերությունը:
Բոլոր դեպքերում հետևանքը անհանգստություն է պատճառում ու լերկացած հատվածը ինչ որ կերպ քողարկելու միջոցների որոնման մղում:
Տղամարդկանց մոտ ալոպեցիան արտահայվում է ճաղատացմամբ, իսկ կանանց մոտ մազերը բարակում են ու թուլանում և անգամ թեթևակի քաշելիս էլ պոկվում:
Ալոպեցիայի դեմ պայքարի միջոցները բազմաթիվ են: Հաշվի առնելով, որ հիմա ընդեղենի սեզոնն է ուստի, կարելի է ընդեղենով պատրաստած բաղադրատոմսեր կիրառել:
-Պետք է 20 պնդուկ ու 80 մլ բուսայուղ վերցնել. պնդուկը մանրացնել ու խառնել ձեթի հետ: Սակայն այս միջոցն ամենևին էլ ուտելու համար չէ, այլ արտաքին կիրառման: Դրանով պետք է տրորել գլխամաշկը: Իսկ 1-2 ժամից հարկավոր է լվանալ մազերը սովորականի նման:
-Կարմիր տաքդեղով այս թուրմը կարելի է ինքնուրույն պատրաստել. Դրա համար պետք է 4 կարմիր տաքդեղի վրա լցնել 500 մլ օղի ու թրմել 21 օր: Ստացված միջոցով տրորել խնդրահարույց հատվածները:
-Եղինջ. հաճախ առաջարկվում է մազերի հետ կապված խնդիրների լուծման նպատակով: Եղինջի թուրմն ամրացնում է մազարմատները, արագացնում ու բարելավում աճը, ընդհանուր բարերար ազդեցություն է ունենում: Եղինջի եփուկը գրեթե բոլորին է առաջարկվում: Ցավոք, այն չի վերականգնում թափած մազերը, բայց ամրացնում է մազարմատները: Եղինջի տերևների ու ցողունի վրա եռման ջուր լցնել, թրմել մեկ ժամ, քամել ու արդեն լվացված մաքուր մազերը այդ եփուկով ողողել 1-2 օրը մեկ:
