Մենք սովոր ենք ուտել ադամաթուզը կամ` մեր սիրած բանանը ու կեղևը նետել աղբամանը: Սակայն երբեք մտքներովս չի անցել, որ հենց այդ կեղևի կիրառման քանի այլ տարբերակներ կան: Տարօրինակ է, սակայն այն կարող է ամենաանսպասելի իրավիճակներում պետք գալ:
1.Ադամաթուզի կեղևը` քերծվածքների, այրվածքների ու խայթոցի սպիացման միջոց
Ադամաթուզի կեղևի բաղադրության բնական յուղերն ու ֆերմենտները կօգնեն արևահարության հետևանքով առաջացած ցավի դեպքում: Դրա համար պետք է կեղևը դնել քերծվածքի, այրվածքի կամ էլ խայթոցի տեղում` ներսի կողմով, ապա թանզիֆով փաթաթել որոշ ժամանակով: Կարելի է կրկնել նույնը` վերքի սպիացման ընթացքը կարճելու նպատակով:
2,Ադամաթուզի կեղևով կարելի է հեռացնել գորտնուկները: Դրա համար կեղևը ներսի կողմով պետք է դնել գորտնուկի վրա ու թողնել ողջ գիշեր: Մի քանի անգամից` (1 շաբաթից մինչև 1 ամիս)գորտնուկը կանհետանա:
3.Փսորիազ և կորյակներ
Փսորիազը բավական տհաճ մաշկային հիվանդություն է , իսկ ադամաթուզի կեղևը կօգնի թեթևացնելու դրա ախտանշանները: Եթե ախտահարված հատվածները տրորվի այդ կեղևով, ապա կթուլանա ցավն ու մաշկն ավելի քիչ կթեփոտի:
Իսկ կորյակներից ազատվելու նպատակով նույն ձևով պետք է կեղևով տրորել խնդրահարույց հատվածը:
4.Առողջ մաշկ
Ադամաթուզի կեղևը հանքանյութեր ու հակաօքսիդանտներ է պարունակում, որոնք սնուցում են ու առողջացնում մաշկը:
Մաշկը խոնավությունը վերականգնելու ու կնճիռները նվազեցնելու համար պետք է մաշկը տրորել կեղևի ներսի մասով:
5.Ատամների սպիտակեցում
Ադամաթուզի կեղևի հանքանյութերը, ինչպիսիք են կալիումը, կալցիումը, մագնեզիումը, մանգանաթթուն ու ֆոսֆորը, շատ օգտակար են ատամներին ու ատամնաէմալի գույնը բացում են: Դրա համար հարկավոր է ատամները նախապես լվանալ սովորականի պես, մածուկով, հետո կեղևով շփել 2 րոպեի չափ` կեղևի սպիտակ կողմով: Ցանկալի արդյունք ստանալու համար պետք է այս պրոցեդուրան կրկնել օրական 1-2 անգամ:
6.Եթե մատը փուշ է մտել ու եթե մյուս միջոցները չեն օգնում, ապա պարզապես պետք է ադամաթուզի կեղևը սպիտակ մասով դնել վնասված հատվածի վրա, փաթաթել ու թողնել 24 ժամ:
Այս միջոցը ոչ միայն փուշը կօգնի հեռացնել, այլև վնասված մաշկն արագ կապաքինի:
Ադամաթուզի կեղևը պիտանի է նաև կենցաղում.
7.Արծաթի փայլեցում
Դրա համար հարկավոր է մանրացնել ադամաթուզի կեղևը, վրան գոլ ջուր ավելացնել այնքան, որ խտությունը ատամի մածուկի նման լինի: Այդ խառնուրդով պետք է շփել արծաթյա իրը, վերջում հոսող ջրով լվանալ, որ կեղևի հետքերը մաքրվեն ու լավ չորացնել:
8.Կեղևը` կոշիկի քսուքի փոխարեն
Արդեն նշվեց որ այս կեղևը բնական յուղեր է պարունակում ու նաև մոմ, իսկ դա նշանակում է, որ կարելի է այն կիրառել որպես կոշիկի քսուք: Կեղևի սպիտակ կողմով մաքրել կոշիկը, ապա չոր շորով փայլեցնել:
9.Եթե ձայնասկավառակը վնասված է, ապա կարելի է այն վերականգնել, սակայն այս դեպքում` ադամաթուզի ուտելի հատվածով: Սկավառակը տրորել 2 րոպե,ապա մնացորդները մաքրել փափուկ լաթով ու ապակին մաքրելու հեղուկով: Երբ այն չորանա, ապա կրկին կարելի է օգտագործել:
