Արագածոտնի մարզի Բյուրական գյուղին հարակից տարածքում, արտակարգ իրավիճակների նախարարության նախնական տվյալների համաձայն, այրվել է բուսածածկ և անտառածածկ տարածք մոտ 20 հա չափով: Ժամը 11:10-ի դրությամբ հայտնաբերվել է հրդեհի նոր օջախ:
Հիշեցնենք, որ սսեպտեմբերի 3-ին, ժամը 15:26-ին ահազանգ է ստացվել, որ Արագածոտնի մարզի Բյուրական գյուղին հարակից սարին՝ անտառում, հրդեհ է բռնկվել:
Դեպքի վայր է մեկնել երկու մարտական հաշվարկ և արտակարգ իրավիճակների արձագանքման խումբը:
Հրդեհաշիջման աշխատանքներին մասնակցում է 72 հրշեջ-փրկարար, անտառտնտեսության 30, ոստիկանության 25 աշխատակից և Բյուրական ու Օրգով գյուղերից շուրջ 115 բնակիչ:
Տեղում հրդեհաշիջման աշխատանքները ղեկավարում է ՓԾ մարզային փրկարարական վարչության պետ, փ/ծ գնդապետ Ա. Ամիրջանյանը:
Կտրվի լրացուցիչ տեղեկություն:
