Ամերիկյան ինքնաթիռաշինական Boeing ընկերությունը 2013 թվականին պատվիրատուներին մատակարարել է 648 քաղաքացիական ինքնաթիռ, ինչը ռեկորդային արդյունք է ընկերության պատմության ընթացքում: Այս մասին ասվում է ընկերության կողմից տարածված հայտարարության մեջ:
Բացի այդ, Boeing-ի պատվերների թղթապանակում կա 5080 միավոր ինքնաթիռի պատվեր, որը նույնպես ռեկորդային է: 2013 թվականին Boeing-ը շարունակել է պահպանել առաջատարի դիրքերը շուկայում՝ Boeing 777X և Boeing 787-10 Dreamliner ինքնաթիռների թողարկման շնորհիվ:
Առայժմ չի հրապարակվել 2013 թվականի Airbus-ի տվյալները, այդուհանդերձ հայտնի է, որ 2012 թվականին Boeing-ը շրջանցել էր Airbus-ին` 601 ինքնաթիռ` 588-ի դիմաց:
