Բնակիչները բացել են ճանապարհը. ինչպե՞ս է լուծվելու խմելու ջրի խնդիրը

Այսօր Տավուշի մարզի Արճիս համայնքի բնակիչները փակել էին Բագրատաշեն-Ալավերդի միջպետական ճանապարհը համայնքի խմելու ջրի պատճառով:

Բնակիչները դժգոհում էին, որ մարզպետարանը տեղյակ է, սակայն սայլը տեղից չի շարժվում:

Araratnews.am-ը Տավուշի մարզպետարանից տեղեկացավ, որ Արճիս համայնքի  խմելու ջրի խնդիրը ներառված է մարզպետարանի հրատապ ծրագրում: «Առաջին հերթին ջրավազանի, ապա՝ ներքին ցանցի խնդիրը»,- մանրամասնեցին մարզպետարանից:

Մարզպետարանի ներկայացուցիչները հանդիպել են բնակիչների հետ,  տեղեկացրել, որ շուտով ջրավազանի շինարարական աշխատանքների համար տենդեր է հայտարարվելու: «Նախահաշիվն արդեն  պատրաստ է»,- ասացին մարզպետարանից:

Ի դեպ, բնակիչների հետ խոսելուց հետո միջպետական ճանապարհը բացվել է:

Սոնա Դավթյան