Ակտիվիստ, նախագահական ընտրություններին որպես թեկնածու առաջադրված Տատյանա Կորոտկևիչը բողոքով դիմել է Բելառուսի ԿԸՀ, հաղորդում է Interfaks-ը:
«Պահանջում ենք ընտրությունները չեղյալ հայտարարել օրենսդրության բազմաթիվ խախտումների պատճառով: Բողոքի մեջ նշված են օրենսդրության խախտման բազմաթիվ փաստեր, որոնք գրանցվել են տարբեր կազմակերպությունների դիտորդների կողմից»,- հայտարարել է Կորոտկևիչի ներկայացուցիչ Իգոր Լյալկովը:
Հիշեցնենք, որ օրերս Բելառուսում կայացած նախագահական ընտրություններում հինգերորդ անգամ վերընտրվել է գործող նախագահ Ալեքսանդր Լուկաշենկոն: Միջազգային դիտորդների մեծ մասը ընտրությունները որակել է ոչ ժողովրդավարական:
