Լոնդոնում BBC-ի վավերագրական հաղորդաշարի նկարահանումների ժամանակ բուլտերիեր ցեղատեսակի շունը հոշոտել է իր 41-ամյա տիրոջը. հաղորդում է The Daily Mail-ը:
Միջադեպը տեղի է ունեցել Մեծ Բրիտանիայի մայրաքաղաքի հյուսիային հատվածում: Շունը մի քանի անգամ հարձակվել է տղամարդու վրա՝ պատճառելով մարմնական լուրջ վնասվածքներ: Հիվանդանոց տեղափոխված տղամարդն ավելի ուշ մահացել է:
Աղբյուրի հաղորդմամբ՝ շունը գտնվում է հատուկ կացարանում, որտեղ կորոշեն` քնեցնե՞լ կենդանուն, թե՞ ոչ:
