Araratnews.am-ը գրել էր, որ սեպտեմբերի 22-ին Եվրանեսթ ԽՎ-ում ՀՀ Ազգային ժողովի պատվիրակության անդամները՝ պատվիրակության ղեկավար, ՀՀ ԱԺ արտաքին հարաբերությունների մշտական հանձնաժողովի նախագահ Արմեն Աշոտյանի գլխավորությամբ, Բաքվում կմասնակցեն Եվրանեսթ ԽՎ-ի սոցիալական, կրթության, մշակույթի և քաղաքացիական հասարակության հարցերի հանձնաժողովի կազմակերպած համաժողովին՝ նվիրված կանանց առողջության և գենդերային հավասարության խթանմանը:
Araratnews.am-ն ԱԺ արտաքին հարաբերությունների մշտական հանձնաժողովի նախագահ Արմեն Աշոտյանից հետաքրքրվեց՝ բացի նրանից ու «Ելք» դաշինքի պատգամավոր Մանե Թանդիլյանից, այլ պատգամավորներ կա՞ն պատվիրակությունում: «Ո՛չ, ավելի մեծ կազմով գնալը նպատահարմար չէ»,- ասաց Արմեն Աշոտյանը:
«Ելք» դաշինքի պատգամավոր Մանե Թանդիլյանից էլ պարզեցինք՝ ի՞նչ հարցեր է բարձրաձայնելու հայաստանյան պատվիրակությունը Բաքվում: Պատգամավորի խոսքով՝ քննարկվող թեմաներն ու զեկույցները կլինեն կանանց առողջության և գենդերային հավասարության խթանման մասին:
ՍՈՆԱ ԴԱՎԹՅԱՆ
