Ազգային ժողովն օրը սկսեց քվեարկություններով։ Արտահերթ նիստի նպատակն է սպառել օրակարգը, և այսօր այդ նպատակով նախորդ օրերին քննարկված 5 հարցի քվեարկություն իրականացվեց։ 5 հարցն էլ ընդունվեցին։ Դրանցից երկուսը առաջարկել էր Կառավարությունը, երկուսը՝ ընդդիմությունը, մեկը՝ մեծամասնության ներկայացուցիչը։ Քվեարկությունները ունեցան հետևյալ արդյունքները՝
«Ջրօգտագործողների ընկերությունների և ջրօգտագործողների ընկերությունների միությունների մասին» օրենքում լրացում կատարելու մասին (հեղինակ՝ Սերգեյ Բագրատյան, առաջին ընթերցում) – 90 կողմ, 2 դեմ, 7 ձեռնպահ.
Հայաստանի Հանրապետության աշխատանքային օրենսգրքում լրացում կատարելու մասին (հեղինակ՝ Գևորգ Պապոյան, առաջին ընթերցում) – 71 կողմ, 10 դեմ, 14 ձեռնպահ.
«Հայաստանի Հանրապետության Կառավարության և Կորեայի Հանրապետության Կառավարության միջև ներդրումների խրախուսման և փոխադարձ պաշտպանության մասին» համաձայնագիրը վավերացնելու մասին (հեղինակ՝ Կառավարություն) – 102 կողմ, 0 դեմ, 0 ձեռնպահ.
«Հայաստանի Հանրապետությունում հաշմանդամների սոցիալական պաշտպանության մասին» Հայաստանի Հանրապետության օրենքում փոփոխություններ կատարելու մասին (հեղինակ՝ ԼՀԿ խմբակցություն, առաջին ընթերցում) – 102 կողմ, 0 դեմ, 0 ձեռնպահ:
